Advertise
ទំនាក់ទំនងផ្តល់ព័ត៌មានមកកាន់ សារព័ត៌មាន មរតកតេជោ តាមរយះទូរសព្ទលេខ: ០១៥ ៦៨៨ ២១៨

​ហេតុអ្វីលោ​ក ណៅ​ ធួ​ក មិន​ចាត់​វិធានកា​រលើ​មេផ្នែក​រដ្ឋបាលជល​ផលស្រុកក្រគរឈ្មោះ​តាំងលី​និងអនុ​ប្រធាន​ឈ្មោះសុ​ងលី​ប្រព្រឹត្តអំ​ពើពុករ​លួយ​ស្រេចតែ​អំពើ​ចិត្ត ?

បទល្មើស​នេសាទ ​កើត​ទ្បើង​យ៉ាង​ពេញ បន្ទុក​នៅក្នុងស្រុកក្រគ រ ក្នុង​បឹង​ទន្លេសាប ​នៃ​ខេត្តពោធ៏សាត់  ​ត្រូវបាន​គេ​ដឹងថា ​មានការ​បើកដៃ​ពី​លោក  តាំងលីប្រធាន និងអនុប្រធានឈ្មោះសុងលី  ដែលជា​នាយ​ផ្នែក  រដ្ឋបាល​ជលផល​ខេត្តពោធ៏ សាត់  ។ ប្រជា​នេសាទ​ ក្នុងស្រុក​  ស្រុក​ក្រគ  បាន​រាយការណ៍​ជា ​បន្ត​បន្ទាប់ពី​រឿង​មេ​រដ្ឋបាល ​ជលផល​​បើកដៃ​ឲ្យ​ ជនជាតិ​យួន​ និងខ្មែរប្រើ ​ឧបករណ៍​ខុសច្បាប់ ដូចជាណររាវ​បំផ្លាញ ​ធនធាន​មច្ឆជាតិ​តាម ​អំពើ​ចិត្ត​។  ប៉ុន្តែ​លោក ណៅ  ធួ​ក ដែលជា​មេ​រដ្ឋបាល ​ជលផល​ធ្វើ​មិនដឹង មិនឮ​អ្វី​ទាំងអស់  បើទោះបី​លោក  ឈ្មោះតាំងលី និងអនុប្រធានឈ្មោះសុងលី ក្លាយជា​បងធំ​កាង​បទល្មើស​នេសាទ​ក្នុងស្រុកក្រគរ​បឹង​ទន្លេសាប​នៃ​ ខេត្តពោធ៏សាត់ ​។​
ប្រភពបានឲដឹងថាលោកប្រធានឈ្មោះតាំងលីនិងអនុប្រធានឈ្មោះសុងលីបានបញ្ចាឲឈ្មួញដាក់ណរាវនិងឆ្នុកឈ្មោះ១ឆៃលីនិង២ភឿន៣ហេងនិងឈ្មោះអាតដើរប្រមួលលុយពីបទល្មើសនេសាទខុសច្បាប់ជាង២០០កន្លែងក្នុងណររាវមួយត្រួវបង់១លាន២០មឺនរៀលក្នុងមួយរដូវ។ មន្ត្រី​អង្គការក្រៅរដ្ឋាភិបាលការពារ​ធនធានធម្មជាតិ​ក្នុង​ខេត្តពោធ៏សាត់ ​បាន​កត់សម្គាល់ថារដូវ​បើក​នេសាទ​គឺ​ជនជាតិ​យួន​និងខ្មែរបាន​ប្រើ​ឧបករណ៍​ ខុស​ច្បាប់​ជាច្រើន​ប្រភេទ​ចាប់យក​ត្រី​តាម​អំពើ​ចិត្ត​។ ជាមួយគ្នានេះ​មន្ត្រីជលផល​ក្រោម​ការ​គ្រប់​គ្រង​​ របស់លោកឈ្មោះ​តាំង​លី​និងអនុប្រធាន​ឈ្មោះ​សុង​លី បានធ្វើ​សកម្មភាព​ជំរិត​យកលុយ​ពី​ឈ្មួញ ស្រេច​តែ​អំពើ​ចិត្ត​របស់​ពួកគេ​។ បញ្ហា​នេះ​លោក ណៅ ធួ​ក ដែលជា​អគ្គនាយក​រដ្ឋបាល​ជល​ផល​មិនត្រូវ​មើលរំលង​តទៅទៀត​ទេ ប្រសិនបើ​គ្មាន​ពាក់ព័ន្ធ​ផលប្រយោជន៍​ ជាមួយឈ្មោះតាំងលីនិងអនុប្រធានឈ្មោះសុងលី ​ ។

សេចក្តីរាយការណ៍​មួយចំនួន​បានដាក់​ការសង្ស័យថា ប្រហែលជា​លោក ណៅ ធួ​ក អគ្គនាយក​រដ្ឋ​បាលជ​ល​ផល​ទទួលបាន​ផលប្រយោជន៍​ពី​លោក  តាំងលីនិងអនុប្រធានឈ្មោះសុងលី ​  មេ​ផ្នែករដ្ឋបាល​ជលផល​ខេត្តពោធ៏សាត់ ​ជាប្រចាំ​ទើប​បណ្តោយ​ឲ្យ​ ឈ្មោះតាំងលីនិងអនុប្រធានឈ្មោះសុងលី ក្លាយទៅជា​បងធំ​កាង​បទ​ល្មើស​នេសាទ​យ៉ាង​ក្រអឺតក្រទម​។ ជាក់ស្តែង​រយៈពេល​នេះ​បទល្មើស​នេសាទ​ក្នុងស្រុក​ក្រគរកើត​ទ្បើង​យ៉ាង​ ពេញបន្ទុក ហើយ​ក្រុម​ជនល្មើស​ភាគច្រើន​ជា​ជនជាតិ​យួន និងខ្មែរប៉ុន្តែ​លោក ណៅ ធួ​ក មិនបាន​យកចិត្តទុកដាក់​ចាប់​វិធានការ​បង្ក្រាប​ទ្បើ​យ​។ ផ្ទុយទៅវិញ​លោក ណៅ ធួ​ក បាន​បើកដៃ​ឲ្យ​បុគ្គលឈ្មោះតាំងលីនិងអនុប្រធានឈ្មោះសុងលី ធ្វើ​អ្វីៗ​យ៉ាង​គឃ្លើន​ជាន់ឈ្លី​បទបញ្ជា​លេខ​០០១​របស់​រដ្ឋាភិបាល​តាម​អំពើ ​ចិត្ត​៕

លោក​សឿន ​សេន​ នាយ​ការិយា​ល័យន​គរបាល​ប្រឆាំង​បទ​ល្មើសសេដ្ឋ​កិច្ចនិង​​ឃ្លោក ​រ៉ូស៊ីដា​ ឃុប​ឃិត​គ្នាបង្កើត​កុងត្រូល​ជជុះ​មាន​មេនៅពី​ក្រោយ​ខ្នង?

ប្រជាពលរដ្ឋ​ក្នុង​ខេត្តសៀមរាប​បាន​អំពាវនាវ​ឲ្យ​អង្គភាព​ប្រឆាំង​ អំពើពុករលួយ​របស់លោក ឱម យ៉ិនទៀង ចាត់វិធានការ​លើ​លោក សឿន សេន និង​បក្ខពួក​ជាបន្ទាន់​បំផុត ព្រោះ​បច្ចុប្បន្ន​ពួក​គេ​ឃុបឃិត​គ្នា​ប្រព្រឹត្ត​អំពើពុករលួយ​នៅតាម​ ដងផ្លូវ​ដោយ​គ្មាន​ខ្លាចក្រែង​អ្វី​ទាំងអស់​។ ជាមួយ​គ្នានេះ​លោក ស៊ក ណា​ឌី ស្នងការ​នគរបាល​ខេត្តសៀមរាប​ត្រូវ​ពិនិត្យមើល​ទង្វើ​មិន​ប្រក្រតី​របស់​ កូនចៅ​ក្រោម​ឱវាទ​ខ្លះ​ផង ព្រោះ​ពួកគេ​កំពុង​ប្រើប្រាស់​អំណាច​និង​តួនាទី​ដើម្បី​ស្វែងរក​ផលប្រយោជន៍​ យ៉ាង​ទទឹងទិស​។ លើស​នេះ​ទៅទៀត​លោក នេ​ត សាវឿន អគ្គស្នងការ​នគរ​បាល​ជាតិ​មិនត្រូវ​បណ្តោយ​ឲ្យ​នគរបាល​ប្រឆាំង​បទល្មើស​ សេដ្ឋកិច្ច​ខេត្តសៀមរាប​បង្កើត​កុង​ត្រូលជជុះ​និង​ប្រព្រឹត្ត​អំពើពុករលួយ​ យ៉ាង​គឃ្លើន​តទៅទៀត​ទេ ព្រោះ​អាច​នាំ​ឲ្យ​ប៉ះពាល់​ដល់​កេរ្តិ៍ឈ្មោះ​ស្ថាប័ន​នគរបាលជាតិ​។

ប្រភពព័ត៌មាន​ពី​មន្ត្រីនគរបាល​នៃ​ស្នងការដ្ឋាន​នគរបាល​ខេត្តសៀមរាប​បាន​ ឲ្យ​ដឹងថា​លោក សឿន សេន នាយការិយាល័យ​នគរបាល​ប្រឆាំងបទល្មើស​សេដ្ឋកិច្ច​ខេត្តសៀមរាប​និង​មនុស្ស​ ជំនិត​ម្នាក់​ឈ្មោះ ឃ្លោក រ៉ូ​ស៊ី​ដា ឃុបឃិត​គ្នា​បង្កើត​កុងត្រូលជជុះ​ដើម្បី​ប្រមូល​ផលប្រយោជន៍​ស្រេច​តែ​អំពើ​ ចិត្ត​។ តាមរយៈ​ការបង្កើត​កុងត្រូលជជុះ​នោះ​លោក សឿន សេន និង​បក្ខពួក​អាច​ប្រមូល​លុយ​ដាក់​ហោប៉ៅ​ធ្វើ​មាន​ធ្វើបាន​ផ្ទាល់ខ្លួន​យ៉ាង​ ច្រើនជាពិសេស​ការប្រមូល​លុយ​ពី​ក្រុម​ឈ្មួញ​ដឹកជញ្ជូន​ឈើ​ប្រណីត​ខុសច្បាប់​ ។ សូម្បីតែ​ប្រជាពលរដ្ឋ​ដឹក​ក្អម​ដឹក​ឆ្នាំង​លក​តាម​រទេះគោ​ក៏ត្រូវ​នគរបាល​ សេដ្ឋកិច្ច​ក្រោម​បញ្ជា​លោក សឿន សេន ជំរិត​យកលុយ​ដោយ​គ្មាន​សេចក្តី​អៀនខ្មាស​ដែរ​។​

​ប្រភព​បាន​ឲ្យ​ដឹង​ទៀតថា សកម្មភាព​របស់​មន្ត្រី​នគរបាល​ប្រឆាំង​បទល្មើស​សេដ្ឋកិច្ច​ក្រោម​បញ្ជា​លោក សឿន សេន កំពុង​បន្តសកម្មភាព​ដោយ​គ្មាន​សេចក្តី​អៀនខ្មាស ហើយ​អ្នករកស៊ី​ដឹកជញ្ជូន​ទំនិញ​មួយចំនួន​តែងតែ​រងគ្រោះ​ដោយ​សារ​ កុងត្រូលជជុះ​របស់​នគ​របាល​ប្រឆាំង​បទល្មើស​សេដ្ឋកិច្ច​ខេត្តសៀមរាប​ចៀស​មិន ​ផុត​ទ្បើ​យ​។ ជាពិសេស​នៅលើ​ផ្លូវជាតិ​លេខ​៦ និង​ផ្លូវជាតិ​លេខ​៦៧ ដែល​ពោរពេញ​ទៅដោយ​បទ​ល្មើស​ដឹកឈើ​ខុសច្បាប់​និង​ទំនិញ​ផ្សេងៗ​នោះ គឺជា​ប្រភព​ចំណូល​យ៉ាង​ត្រជាក់ចិត្ត​របស់​លោក សឿន សេន​និង​បក្ខពួក​៕

លោក លី ឈី​វ អនុប្រធាន​ការិយាល័យ​អន្តរាគមន៍​នៃ​ស្នងការដ្ឋាន​នគរបាល​ខេត្ត​កំពត មេ​ឈ្មួញ​កាប់បំផ្លាញ​ព្រៃឈើ​ដ៏​មហិមា​

តាម​ប្រភព​ពី​ប្រជាពលរដ្ឋ​រស់នៅ​ខេត្ត​កំពត​ក៏ដូចជា ប្រជាពលរដ្ឋ​រស់នៅ​ឃុំ​ស្ទឹងក្រែវ ឃុំ​ត្រពាំង​ភ្លាំង ស្រុក​ទឹកឈូ ខេត្ត​កំពត បានឱ្យដឹងថា មេ​ឈ្មួញ​កាប់បំផ្លាញ​ព្រៃឈើ និង​ជួញដូរ​ឈើ​យ៉ាងសកម្ម​ក្នុង​ខេត្ត​កំពត ដោយ​ពុំ​មាន​សមត្ថកិច្ច​ណា​បង្ក្រាប​ឡើយ ។​

ដោយឡែក ថ្មីៗ​នេះ អង្គការ​អភិរក្ស​ព្រៃឈើ និង​អភិវឌ្ឍ​ធនធានធម្មជាតិ ,​អង្គការ​ការពា​ព្រៃឈើ​សត្វព្រៃ និង​បរិស្ថាន និង​អង្គការ​អភិរក្ស​ធនធាន​ធម្មជាតិ ដែល​ដឹកនាំ​ដោយ​លោក ហ៊ុន សុខា ប្រធាន​ក្រុមការងារ​, លោក ទូច ណូ​រ៉ា​, លោក បឿ​ង រដ្ឋា បាន​ចុះ​ទៅ​ឃ្លាំ​មើល​បទល្មើស​ព្រៃឈើ​នៅ​តំបន់​ឧទ្យាន​ជាតិ​ព្រះមុន្នីវង្ស ឃើញថា មាន​ការកាប់បំផ្លាញ​ព្រៃឈើ​យក​ដី​រដ្ឋ​ធ្វើ​កម្មសិទ្ធិ ដែល​មាន​អភិបាលស្រុក និង​លោក​អភិបាលរង​ខេត្ត​កំពត​មួយរូប នៅ​ពីក្រោយ​ខ្នង​ក្នុង​ការកាប់បំផ្លាញ​នេះ គឺ​ស្ថិតនៅ​ចំណុច​ស្ទឹង​កែវ ត្រពាំង​ភ្លាំង អង្គការ​យើងខ្ញុំ និង​បណ្តាញ​សម្ព័ន្ធ​សារព័ត៌មាន ក្លឹប​អ្នកកាសែត​ឯករាជ្យ និង​សមាគម​ឃ្លាំមើល​ពុំ​ទាន់​សុំ​ការបំភ្លឺ​ពី​លោក អភិបាលស្រុក​ទឹកឈូ អភិបាល​ស្រុក​ឈូក​បាន​ទេ ព្រោះ​ពុំ​ស្គាល់​លេខ ។ ម្យ៉ាងវិញទៀត អង្គការ​ទាំងអស់ ដែល​ចុះ​ឃ្លាំ​មើល​នោះ​បាន​ឃើញ​ពី​សកម្មភាព​ដឹកជញ្ជូន​ឈើ​យ៉ាងខ្លាំង​ពី​មេ​ ឈ្មួញ​មហាអំណាច លី ឈី​វ អនុប្រធាន​ការិយាល័យ​នគរបាល​អន្តរាគមន៍​នៃ​ស្នងការដ្ឋាន​នគរបាល​ខេត្ត​កំពត ដោយ​ឈ្មោះ​នេះ​យក​តួនាទី បំផ្លាញ​ធនធានធម្មជាតិ ដោយ​ឈ្មោះ លោក អ៊ូ ហៃ អតីត​ស្នងការ​ខេត្ត​កំពត មក​គំរាម​សមត្ថកិច្ច ។​

ជាក់ស្តែង​នៅ​ថ្ងៃទី ១២ ខែ​មករា ឆ្នាំ​២០១៥ ក្រុម​អង្គការ​អភិរក្ស​ព្រៃឈើ និង​អភិវឌ្ឍ​ធនធានធម្មជាតិ ដឹកនាំ​ដោយ​លោក ពេ​ជ គឿន ប្រធាន​ស្នាក់ការ​អង្គការ​ខេត្ត​កំពត បាន​ចុះ​ឃ្លាំ​មើល​បទល្មើស​ព្រៃឈើ បាន​ប្រទះ ឃើញ​ឈើ​អារ​ចំនួន​ជាង ១៧​ម៉ែត្រគូប ភូមិ​ត្រពាំង​កក់ ឃុំ​ស្ទឹង​កែវ ស្រុក​ទឺកឈូ ខេត្ត​កំពត ហើយ​បាន​រាយការណ៍ ជូន​លោក ហ៊ុន សុខា ប្រធាន​ស្នាក់ការ​កណ្តាល​រួច​រាយការណ៍​ជូន​មន្ត្រី​ជំនាញ​បរិស្ថាន ។ ហើយ​កម្លាំង​បរិស្ថាន​ក៏បាន ចុះ​ទៅដល់​ទី​តាំង​ភ្លាមៗ​ដែរ ដោយ​ពុំមាន​លទ្ធភាព​ដឹក​ជញ្ចូន​ឈើ​មក​រក្សាទុក មន្ទីរ​បរិស្ថាន​ខេត្ត​ក៏បាន​សម្រេច​ដុត ឈើ​នោះ​ចោល​តែ​ម្តង ។

​បញ្ចប់​បេសកកម្ម​នោះ​លោក ហ៊ុន សុខា បាន​ជូន​រង្វាន់​ដល់​មន្ត្រី​បរិស្ថាន​ឧទ្យាន​ជាតិ​ចំនួន ២០០​ដុល្លារ ជា​ការលើកទឹកចិត្ត​ដល់​មន្ត្រី​ស្រឡាញ់​ធនធានធម្មជាតិ​ហើយក៏​បាន​ធ្វើ​ របាយការណ៍​នេះ​ជូន​លោក​ព្រះរាជអាជ្ញា​អម សាលាដំបូង​ខេត្តកំពត ដើម្បី​ឱ្យ​ចាត់កា​រលោក លី ឈី​វ មេ​ឈ្មួញ មហាអំណាច​នេះ​តាម​ផ្លូវច្បាប់ ។ ហើយ​អង្គការ​ទាំងអស់​សំណូមពរ​ឱ្យ​លោកស្នងការ​នគរបាល​ខេត្ត​កំពត មេត្តា​មើល​ឈ្មោះ លី ឈី​វ នោះ​ផង ព្រោះ​យក​ស្បែក​យកឈ្មោះ​លោក អ៊ូ ហៃ ដើរ​គំរាម​គេឯង ដោយ​អាង​លុយ​ពី​ការជួញដូរ​ឈើ​រាប់សិប​ឆ្នាំនេះ ។ ព្រមទាំង​គំរាម​សម្លាប់​មន្ត្រី​អង្គការ​ថែមទៀត​ផង ៕

កំពង់ចម្លង​ក្រចាប់​លើ​មិនទាន់​ផុត​កុងត្រា សាលាខេត្ត​ព្រៃវែង​ដាក់​ដេញ​ថ្លៃ​សារ​ថ្មី​


​កំពង់ចម្លង​ដរ​ក្រចាប់​លើ ស្ថិតនៅ​ភូមិ​ក្រចាប់​លើ ឃុំ​ពាម​មន្ទា​រ ស្រុក​កំពង់ត្របែក ខេត្ត​ព្រៃវែង លោក ស៊ុន ផល្លី ដែល​ជា​ម្ចាស់​ដរ​ជាប់​កុងត្រា​ជាមួយ​មេឃុំ អភិបាលស្រុក និង​អភិបាល​នៃ​គណៈ​អភិបាលខេត្ត​ព្រៃវែង ឯកឧត្តម អ៊ុង សាមី អនុញ្ញាតឱ្យ​លោក ស៊ុន ផល្លី ធ្វើ​អាជីវកម្ម​រយៈពេល​ប្រាំ​ឆ្នាំ ក្នុង​១​អាណត្តិ បាន​ឱ្យ​អ្នកយកព័ត៌មាន​យើង ដឹងថា ការធ្វើ​អាជីវកម្ម​របស់​លោក ទើបតែ​ប្រព្រឹត្តទៅ​បាន​រយៈពេល​ជាង​មួយ​ឆ្នាំ ខណៈ​ដែល​លោក ស្រេង វ៉ន ព្យាយាម​ទូរស័ព្ទ​គំរាម​ទារ​លុយ​បង់​សេវា​ក្រៅ​ប្រព័ន្ធ​រតនាគារ ជា​ញឹកញាប់​ទៅ​លោក ស៊ុន ផល្លី ម្ចាស់​អាជីវកម្ម​រត់ មិន​រួច​សេវា​បង់​ក្រៅ​ប្រព័ន្ធ​នេះ​មិន​បាន​បង់លុយ​ឱ្យ​ទៅ​លោក ស្រេង វ៉ន បាន​គំរាម​មកលើ​លោក ស៊ុន ផល្លី​ថា បើ​ឯង មិន​ឱ្យ​លុយ​អញ អញ​និង​យក​កំពង់ចម្លង​ឯង​មក​ដាក់​ដេញថ្លៃ​សារជាថ្មី ។​

​ក្រោយមក​មាន​សេចក្តីប្រកាស​ពី​សាលា​ខេត្តព្រៃវែង យក​ដរ​ចម្លង​របស់លោក ស៊ុន ផល្លី មក​ដាក់​ដេញថ្លៃ មែន ក្នុងចំណោម​កំពង់ដរ​ប្រាំ​-​ប្រាំ​មួយកន្លែង ដែល​ជាប់​កុងត្រា​ទទួលស្គាល់​ពី​ឃុំ​-​ស្រុក​-​ខេត្ត ដូច​លោក​ដែរ ពុំបាន យកមក​ដាក់​ដេញថ្លៃ​ទេ ។ ទោះបីជា​មាន​ការទទួល​ស្គាល់ និង​គាំទ្រ​ពី​លោក​មេឃុំ និង​លោក​អភិបាលស្រុក​ក៏​ដោយ ។​

​ឃើញ​ភាពអយុត្តិធម៌​សម្រាប់​ខ្លួន​លោក ស៊ុន ផល្លី បាន​ដាក់​ពាក្យបណ្តឹង​ទៅ​សម្តេច​អគ្គមហាសេនាបតី​តេ ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ឱ្យ​សម្តេច​ជួយ​ធ្វើ​អន្តរាគមន៍​ដល់​រូបលោក ដោយ​ទទួល ភាព​អយុត្តិធម៌​ខ្លាំង​ពេក ។​

​ខុទ្ទកាល័យ​សម្តេច​នាយក​រដ្ឋមន្ត្រី ក្រោយពី​បាន​ទទួល​ពាក្យបណ្តឹង​ក៏​បាន​ចេញ​លិខិត​អន្តរាគមន៍​មួយច្បាប់ ដែល​មាន​លេខ ១៥២០ ខន​/០១៤ ផ្ញើជូន​លោក​អភិបាល​នៃ​គណៈ​អភិបាលខេត្ត​ព្រៃវែង ឱ្យ​ជួយ​សម្រួល​ឱ្យ​ម្ចាស់ អាជីវកម្ម​កំពង់ចម្លង​បាន​ធ្វើ​អាជីវកម្ម​គម្រប់​ប្រាំ​ឆ្នាំ ចាំ​យក​មក​ដាក់​ដេញថ្លៃ​ឡើងវិញ ។​

​ទោះបី​មាន​លិខិត​អន្តរាគមន៍​ពី​ខុទ្ទកាល័យ​សម្តេច​នាយករដ្ឋមន្ត្រី ដែល​ចេញ​ដោយ ឯកឧត្តម ហូ សិទ្ធី នាយខុទ្ទកាល័យ​យ៉ាងណាក៏ដោយ​ក៏​សាខា​ខេត្ត​ព្រៃវែង នៅតែ​យក​កំពង់ចម្លង​ក្រចាប់​លើ​មក​ដាក់​ដេញថ្លៃ​ឱ្យ​ខាន​តែ បាន ។ បញ្ហា​ទាំងអស់​នេះ​កើតឡើង​ដោយសារ​លោក ស៊ុន ផល្លី មិន​ព្រម​បង់​លុយ​ដាក់​ហោប៉ៅ​លោក​ស្រេង វ៉ន ក្រៅ​ប្រព័ន្ធ​ថវិកាជាតិ (Sic) ៕


លោកណុប ​សារឹម មេប៉ុ​ស្តិ៍អ​ន្តោ​​ប្រវេសន៍​ព្រែកចា​កជម្រិត​យក​លុយ​ពីប្រជាពលរ​ដ្ឋឆ្លងដែន ​​ក្នុង​ម្នាក់ ១០-១៥ម៉ឺនរៀល?

មន្ត្រីប៉ូលិស និង​អាជ្ញាធរ​ដែនដី​ទម្លាយ​ថា តាំង​ពី​ចូលកាន់​ជា​មេ​ប៉ុស្តិ៍​កាលណា​មក មេ​ប៉ុស្តិ៍​ថ្មី ណុប សារឹម ដែរ​ក៏​ជា​មន្ត្រី​ប៉ូលិស​ថ្មី​គ្មាន​ជំនាញ​អន្តោប្រវេសន៍​ក្នុង​ខ្លួន​នោះ កំពុងតែ​សាបព្រោះ​ការក្តៅក្រហាយ​ទៅលើ​ក្រុម ប្រជាពលរដ្ឋ និង​ឈ្មួញ​រកស៊ី​នាំ​ទំនិញ​ចូល​ស្រុក និង​ឆ្លង​ដែន​ឱ្យ​ស្រែក​ចាច​ដូច​ក្ងាន ក៏​ព្រោះតែ​មេ​ប៉ុស្តិ៍ ណុប សារឹម កំពុង​ត្រជាក់​ល្ហឹម និង​ជំនាញ​គោះ​លុយ​ច្រក​ហោប៉ៅ​ផ្ទាល់​ខ្លួន​យ៉ាង​មមាញឹក​នោះ ។​

​តាម​មន្ត្រី​ទម្លាយ​ថា មេ​ប៉ូលិស​ច្រកទ្វារ​អន្តោប្រវេសន៍​អន្តជាតិ​ព្រែក​ចាក​ក្រោយពី​មានការ ផ្លាស់ប្តូរ​មេ​ច្រក ទ្វារ​ថ្មី​រួចមក បែរជា​បាន​ដំឡើង​ថ្លៃ​សេវា​ការ​ឆ្លងដែន​ទៅមក និង​គាប​.​ក​អាជីវករ​ដែល​រកស៊ី​ដឹក​ឥ​វ៉ាន់​បន្តិចបន្តួច តាម ម៉ូតូ​ចេញ​ចូល ដោយ​តម្រូវឱ្យ​បង់​២​ម៉ឺន​រៀល​ក្នុង​មួយ​ម៉ូតូ​ដែល​គេ​សង្ស័យថា ទំនង​ស្រង់​ដើមពី​ការ​បង់ខាត​ត្រូវ ដណ្តើម​កៅអី​បាន អង្គុយ​ចំ​កៅអី​ខ្លាញ់​នោះ ។​
​បើ​យោង​តាម​ប្រភព​ព័ត៌មាន​ច្បាស់​ការណ៍​ពី​ប៉ូលិស​ច្រកទ្វារ​ព្រែក​ចាក​ បាន​ឱ្យ​យើង​ដឹងថា ឥឡូវនេះ​ប្រជាពលរដ្ឋ ពិបាក​រកស៊ី​ខ្លាំងណាស់ ក្រោយពី​មាន​ការផ្លាស់ប្តូរ​មេ​ច្រកទ្វារ​ថ្មី​រួច​មក ព្រោះ​គេ​បានកំណត់​ឱ្យ​បង់​សេវា​ម៉ូតូ​ដឹកទំនិញ ចេញចូល​២​ម៉ឺន​រៀល​ក្នុង មួយ​ម៉ូតូ ហើយ​បើ​ដឹក​មនុស្ស​ឆ្លងដែន​ក៏​គេ​ដំឡើងថ្លៃ​ក្នុង​ម្នាក់​១០​ម៉ឺន​ដុង ផងដែរ ដោយ​ពី​មុន​ពេល​ឆ្លងដែន​ម្នាក់​យកតែ​៥​ម៉ឺន​ដុង​ប៉ុណ្ណោះ​។​

​ប្រភព​ខាងលើ​បន្តទៀតថា ចាប់តាំងពី​លោក​ណុប សារឹម មកកាន់​ប្រធាន​ច្រកទ្វារ​មក លោក​បាន​ប្រមូល​ប៉ាស្ព័រ បោះត្រា​មួយ​តម្លៃ​៣០​ដុល្លារ ដោយ​មាន​អ្នក​រត់ការ ដោយ​ប្រមូល​ម្តងៗ​រាប់រយ​ប៉ាស​ស្ព័​រ​យ៉ាងរលូនបំផុត​មិ​ន​ដឹង​ថា នេះ​ជា​គោលការណ៍​ថ្នាក់​ណា​នោះ​ទេ ហើយ​ដែល​បញ្ហា​នេះ​មិនគួរ​បើលោក សុខ ផល មើលរំលង​នោះទេ ។​
​គួរ​បញ្ជាក់​ផង​ដែរ​ថា ក្រោយពី​លោក​ណុប សារឹម បាន​មក​កាន់​ជា​ប្រធាន​ច្រកទ្វារ​អន្តោប្រវេសន៍​ព្រែក​ចាក​ពេលណា មក គឺ​ស្ថាប័ន​ឈរជើង​ច្រក​អន្តរជាតិ​នេះ​មិន​ពេញចិត្ត​ជាមួយ​លោក​នោះ​ទេ សូម្បី​តែ​អាជ្ញាធរ​ខេត្ត​ក៏​មិន​សប្បាយចិត្ត ផងដែរ ពីព្រោះ​គេ​រិះគន់​គាត់​ថា ដើរតួរ​ផ្លូវត្រង់​ផង ផ្លូវវៀច​ផង និង​រើ​តួ​ជា​អ្នកសម្របសម្រួល​ផង​ទៀត ដោយ សំអាងថា ខ្លួន​គាត់​ជា​មេ​ប៉ូលិសអន្តោប្រវេសន៍​ព្រែក​ចាក​ដ៏​មហិមា​ដែល​គ្មាន​នរណា​ ប៉ះ​បាន ។​

​ជាងនេះទៅទៀត មន្ត្រី​ដែល​មាន​ខ្សែ​ហ​ជា​ឈ្មួញ​នោះ​ក៏​បាន​លើកឡើង​ថា សកម្មភាព​របស់​មេ​ប៉ុស្តិ៍​ថ្មី ដែល​បញ្ចោ​ញ​ឬ​ក ពារ​ក្រអឺតក្រទម​បែបនេះ គាប​ជម្រិត​ឱ្យ​ប្រជាពលរដ្ឋ​បង់លុយ​យ៉ាង​គ្មាន​តម្លាភាព​បែបនេះ និង​បាន​បង្ហាញ​ពី​ការ​អ សមត្ថភាព និង​អាង​ខ្នងបង្អែក​ធំ ដោយ​មិន​ខ្វល់​ពី​ការឈឺចាប់​របស់​ប្រជាពលរដ្ឋ​ក្រីក្រ​នោះទេ ។ ហើយ​ដែល​គួរតែ ថ្នាក់​លើ​លោក សុខ ផល ដែល​ជា​នាយ​ឧត្តមសេនីយ៍​ទទួលប​ន្ទុ​ក​អគ្គនាយក​អន្តោប្រវេសន៍​មាន​វិធានការ​ ចុះ​ស្រាវ ជ្រាវ​ជាបន្ទាន់​ផង កុំ​ឱ្យ​គាត់​ហ៊ឺហា​ជិះសេះ​លែងដៃ​ធ្វើបាប​ជម្រិត​លុយ​ពី​ប្រជាពលរដ្ឋ ពី ១០-១៥​ម៉ឺន​រៀល បង់​ចូល កេស​ខ្មៅ​១​ណា តាមតែ​ទំនើងចិត្ត​ទៀត ។​/


លោ​ក ​ម៉ៅ ​ចា​ន់​​វិជ្ជា ​​មេ​ប៉ូ​​លិ​ស​សេ​​ដ្ឋកិ​ច្ច​ទ​​ទួ​ល​ផែន​​កោះ​​កុងប្រ​មូល​លុយ​ពី​ប​ទ​ល្មើ​ស​​សេ​​ដ្ឋ​កិច្ច​គ្រប់​ប្រ​ភេទ

រថយន្ត​កំពុង​ដឹក​សាច់មាន់ និង​ជង្គង់​មាន់​ពី​ប្រទេស​ថៃ​តាម​ច្រក​កោះកុង​ត្រូវ​ប្រជាពលរដ្ឋ​បា ន​រាយការណ៍​ថា ជា របស់​ឈ្មួញ​ម្នាក់​ឈ្មោះ ម៉ែ អា​ម៉េង ដែល​មាន​ខ្នងបង្អែក​យ៉ាង​ក្រាស់ឃ្មឹក​នៅ​ពីក្រោយ​នៃ​ការដឹក​ជញ្ជូន​នេះ​មិនដែ ល​មាន សមត្ថកិច្ច​ណា​ចាប់ ឬ​ហ៊ាន​ឃាត់​ឡើយ ។​

​ក្រៅពី​នោះ​ក្រុម​អាជ្ញាធរ​ក៏​បាន​អះអាងថា ក្រុម​ប៉ូលិស​ក្រសួង​ដែល​មានឈ្មោះ ម៉ៅ ចាន់​វិជ្ជា ជា​មេ​ទទួល​ផែន​បង្ក្រាប និង​ទប់ស្កាត់​បទល្មើស​សេដ្ឋកិច្ច​ទិស​កោះកុង​ក្លាយជា​អ្នក​មើល​ផ្លូវ និង​ជា​ខ្នងបង្អែក​ឱ្យ​ឈ្មួញ​យ៉ាង​កាក់កប​បំផុត ។​

​សាច់ និង​ជង្គង់​មាន់​ខូចគុណភាព​ដឹក​តាម​រថយន្ត​ពី​ប្រទេស​ថៃ​ត្រូវបាន​គេ​ដឹងថា ក្នុង​មួយ​ថ្ងៃៗ​មិនតិច​ជាង ២០ តោន​ទេ ត្រូវបាន​ក្រុម​សមត្ថកិច្ច និង​ជំនាញ​ប៉ូលិស​សេដ្ឋកិច្ច​ក្រសួង​ដែល​មើល​ការខុសត្រូវ​តាំង​ពី​ព្រំដែន ខេត្ត កោះកុង រហូតមក ដល់​ក្រុង​ភ្នំពេញ​បន្ត​បើកដៃ​ឱ្យ មេ​ឈ្មួញ​ធំៗ​ដឹក​យ៉ាង​គគ្រឹកគគ្រេង​ជា​រៀងរាល់ថ្ងៃ ដែល​មេ​ឈ្មួញ ទាំងនោះ​ត្រូវ បាន គេ​ដឹងថា មាន​ខ្នងបង្អែក​ធំៗ​នៅ ពីក្រោយ ។​

​ប្រភព​បាន​ឱ្យដឹងទៀតថា ក្នុង​មួយ​ថ្ងៃៗ​រថយន្ត​របស់​មេ​ឈ្មួញ​ខាងលើ​បាន​ដឹក​សាច់មាន់ និង​ជង្គង់​មាន់​មិនតិច ជាង ២០​តោន​ឡើយ​នោះទេ ហើយ​រថយន្ត​នេះ​ក៏​មិន​ដែល​បង់ពន្ធ​ចូល​រដ្ឋ​ឱ្យ​បាន ១០០​ភាគរយ​នោះ​ដែរ ពោល​ក្នុង ជាង ២០ តោន ក៏​បង់​ត្រឹម ៦ ទៅ ៧​តោន​តែប៉ុណ្ណោះ ដោយ​មាន​មេ​ប៉ូលិស​នៅ​ច្រកព្រំដែន​ម្នាក់​ជា​អ្នក​ចេញ​មុខ​រត់​ការ​ឱ្យ​ផង​។

​សេចក្តីរាយការណ៍​ថា មេ​ឈ្មួញ​ដ៏​ធំ​មួយ​នេះ​នៅពេល​ចេញដំណើរ​ពី​ខេត្ត​កោះកុង​មក​កាន់​ក្រុង ភ្នំពេញ​គេ​បាន​រត់ការ​បង់លុយ​ទៅឱ្យ​កាំកុងត្រូល​គយ និង​ប៉ូលិស​សេដ្ឋកិច្ច​ដែល​នៅតាម​ផ្លូវ​គ្រប់ៗ​គ្នា ទើប​ការដឹក​បាន ប្រព្រឹត្តទៅ ជា​រៀងរាល់​យប់​គ្មាន​ឈឺ​ក្បាល​ដល់​អស់លោក​ណា​មួយ​ឡើយ នៅពេល​ដែល​រដ្ឋាភិបាល​កំពុងតែ​ជម្រុញ​ឱ្យ មានការ ប្រ មូល​ពន្ធ ១០០% ចូល​រដ្ឋ​នោះ ។ ពីព្រោះ​តែ​គេ​បាន​ត្រូវុរ៉ូវ​គ្នា​យ៉ាង​ស្អិតរមួត​បំផុត ។​

​ក្រុម​អ្នក​ប្រជាពលរដ្ឋ​រកស៊ី​តូចតាច​បាន​លើកឡើង​ថា តើ​មាន​មូលហេតុ​ណា​ដែល​ក្រុម​សមត្ថកិច្ច​ទាំងនោះ ហ៊ាន​បើកដៃ ឱ្យ​ដឹក​សាច់មាន់​ពី​ប្រទេស​ថៃ​យ៉ាង​គក្រឹកគគ្រេង​យ៉ាងនេះ ជាពិសេស​គឺ​មេ​ប៉ូលិស​សេដ្ឋកិច្ច​ម៉ៅ ចាន់​វិជ្ជា តែ​ម្តង​បាន សម្រប ក្លាយខ្លួន​ទៅជា​អ្នក​មើល​ផ្លូវ និង​ការពារ​ឱ្យ​ឈ្មួញ​ធ្វើ​អាជីវកម្ម​នាំ​ទំនិញ​ខុស​ច្បាប់​ចូល​ស្រុក និង​ទៅ​កាន់​ទីផ្សារ ភ្នំពេញ​យ៉ាង​សុ​វត្ថ​ភាព​បំផុត ។ មិនតែប៉ុណ្ណោះ បាន​ទាំង​កិបកេង​ការបង់ពន្ធ​ចូល​រដ្ឋ​ថែម​ទៀត ដែល​ក្នុងនោះ មានប្រ ធាន ច្រក​ព្រំដែន​ដែល​ជា​ចំណុច​ក្តៅ​ក្នុង​ការនាំចូល​សម្ភារៈ​ទាំ​ង​នោះ​មក​កាន់​ប្រទេស​កម្ពុជា ។​

​សូម​រំលឹក​ថា ក្នុងពេល​បច្ចុប្បន្ន​រាជរដ្ឋាភិបាល​អាណត្តិ​ថ្មី​កំពង់​ប្រយុទ្ធ ក្នុង​ការកែទម្រង់​បាន​ផ្តោតជាសំខាន់ លើ​វិស័យ​ធំៗ ជា​ចម្បង​ក្នុងនោះ​ការបាត់បង់​ពន្ធគយ ដែល​ធ្វើឱ្យ​ប្រទេសជាតិ​ខាតបង់​ប្រាក់​ចំណូល​យ៉ាង​ច្រើនសន្ធឹក សន្ធាប់ បណ្តាល មក​ពី​រត់ការ​ក្រៅ​ប្រព័ន្ធ​មិន​បាន​បង់លុយ​ចំណូល​ពន្ធ​ទាំងនោះ ឱ្យ​ចូល​រដ្ឋ​ឱ្យ​បាន​គ្រប់ ១០០ ភាគរយ តាម ច្បាប់​នោះ​ទេ !​។​

​ដោយឡែក​ពាក់ព័ន្ធ​នឹង​បញ្ហា​នេះ​មិនគួរ​បើ​ក្រសួង​មហាផ្ទៃ​មើលរំលង​ជំនាញ​តាម​ដងផ្លូវ និង​ក្រុមប៉ូលិស​សេដ្ឋកិច្ច ម៉ៅ ចាន់​វិជ្ជា ទេ ៕​




លោក ​សូ ចាន់​ណារី​ ​លួ​ច​បង្កើត​​ច្រក ​ដើ​ម្បីនាំ​ទំនិញ​គេច​ពន្ធ​និង​ពល​ករចំ​ណា​កស្រុក​ យ៉ាង​អាណា​ធិប​តេយ្យ

របប ​យោធា​ថៃ ដឹកបញ្ជូន​ពលករ មក​ស្រុកកំណើត​វិញ តាម​ច្រក​ប៉ោយប៉ែត គួរ​ឲ្យ​អាម៉ាស់​បំផុត​នោះ មន្ត្រីជាន់ខ្ពស់​មួយចំនួន បាន​ទទួលស្គាល់ថា បញ្ហា​កើតឡើង​ដោយសារ គំនិត​ពុករលួយ របស់លោក សូ ចាន់ណា​រី ដែល​ឃុបឃិត​ឲ្យ​មេខ្យល់ នាំ​ពលករ​ឆ្លងដែន​ដោយ​ខុសច្បាប់ យ៉ាង​អនាធិបតេយ្យ​បំផុត ហើយ​កន្លងមក​ពលក​រ​ខ្មែរ​ជាច្រើន បាន​រងគ្រោះថ្នាក់ ឬ​ត្រូវ​សមត្ថកិច្ច​ថៃ ចាប់ឃុំខ្លួន ធ្វើ​ទារុណកម្ម រហូតដល់​ពលករ​ខ្លះទៀត ជាន់មីន​ផ្ទុះ​រងរបួស សុទ្ធតែ​លួច​ឆ្លងដែន តាម​ច្រករបៀង ដែល​កាន់កាប់​ដោយ​លោក សូ ចាន់ណា​រី​។ ពោលគឺ​លោក សូ ចាន់ណា​រី មានអំណាច​ប្រព្រឹត្ត​អំពើពុករលួយ តាំងពី​ជំនាន់​លោក ខេង ស៊ុម ធ្វើជា​ស្នងការ រហូតដល់ លោក អាត់ ខែម គេ​មិនដែល​ឃើញ​ថ្នាក់លើ កោះហៅ​លោក សូ ចាន់ណា​រី ទៅ​ដាក់ពិន័យ​ម្តងណា​ឡើយ​។​
ក្រុង ​ប៉ោយប៉ែត ៖ លោក សូ ចាន់ណា​រី ជា​​មេ​បញ្ជា​ការ​​វរៈ​​សេ​នា​​តូច នគរ​បាល​​ការ​ពារ​​ព្រំ​ដែន លេខ​​៩១១ ដែល​មាន​​ទី​តាំង​​ឈរ​ជើង​​ចាប់​ពី កា​រិយា​ល័យ​ទំ​នាក់​ទំនង​​ព្រំ​ដែន​​ចាស់ រហូត​ដល់​​ច្រក​​បឹង​​សា​គូ មាន​អំ​ណាច​​បង្កើត​​ច្រក​របៀង​​ខុស​ច្បាប់ចំនួន ១១​កន្លែង ដើម្បី​សម្របសម្រួល​ឲ្យ​ក្រុម​ឈ្មួញ ដឹកជញ្ជូន​ទំនិញគេចពន្ធ និង​ទំនិញ​ខុសច្បាប់ ឆ្លងកាត់​ព្រំដែន និង​ជា​តំបន់​ក្តៅ សម្រាប់​មេខ្យល់ លួច​នាំ​ពលករ​ឆ្លងដែន ទៅរក​ការងារ​ធ្វើ​នៅ​ស្រុកថៃ ហើយ​គេ​ឆ្ងល់​ថា ស្នងការ​នគរបាល​ខេត្តបន្ទាយមានជ័យ សឹង​គ្រប់​ជំនាន់ មិនដែល​ហ៊ាន​ហើបមាត់ ជាមួយ​លោក សូ ចាន់ណា​រី ម្តងណា​ឡើយ​។​
​ ដោយឡែក​មានការ​នាំចូល ទំនិញគេចពន្ធ និង​ទំនិញ​ខូចគុណភាព ខុសច្បាប់​គ្រប់​ប្រភេទ ពី​ស្រុកថៃ ចូលមក​ប្រទេស​កម្ពុជា តាម​បណ្តា​ច្រករបៀង ក្នុងភូមិ​សាស្ត្រ ខេត្តបន្ទាយមានជ័យ ពិសេស​ច្រក​បៀ​ង​ទាំង ១១ កន្លែង ដែល​គ្រប់គ្រង​ដោយ​លោក សូ ចាន់ណា​រី បាន​ឃុបឃិត​ជាមួយ ពួក​ឈ្មួញ​ទុច្ចរិត ប្រព្រឹត្ត​អំពើពុករលួយ បើកដៃ​ឲ្យ​មានការ​នាំចូល ទាំងយប់​ទាំង​ថ្ងៃ ធ្វើឱ្យ​បាត់បង់​ចំណូល​រដ្ឋ យ៉ាងច្រើន​សន្ធឹកសន្ធាប់​។ ក្រៅពី​នាំចូល​ទំនិញគេចពន្ធ  ទំនិញ​ខូចគុណភាព លោក សូ ចាន់ណា​រី បាន​បើក​ច្រក​យុទ្ធសាស្ត្រ សម្រាប់​នាំចេញ និង​វិលត្រឡប់ នូវ​ពលករ​ខ្មែរ ដែល​ឆ្លងដែន​ខុសច្បាប់ ទៅធ្វើ​ការ​នៅ​ប្រទេស​ថៃ និយាយ​រួម ដូច​ទ្រូ​ប្រើស​ពីរ ទាំង​ឡើង​ទាំង​ចុះ លោក សូ ចាន់ណា​រី ត្រូវប៉ាន់​ដូចគ្នា ។​
​ ​ប្រភពព័ត៌មានបាន​ឲ្យ​ដឹងថា តម្លៃ​ឆ្លងកាត់​សម្រាប់​ពលករ ក្នុង​ម្នាក់​ចាប់ពី  ៣០០​បាត ទៅ ៤០០​បាត យោងតាម​ស្ថានការណ៍​ជាក់ស្តែង ចេញចូល ២៤ ម៉ោង ពីព្រោះ​មាន​មេខ្យល់ រង់ចាំ​ទទួល​នៅ​ខាង​ថៃ ដោយឡែក​ប្រជាពលរដ្ឋ ដែល​ចូលទៅ​ត្រឹម​ផ្សារ លុង​កឿ ក្នុង​ម្នាក់ ២០​បាត ទាំង​ចេញ​ទាំង​ចូល ត្រូវ​ចំណាយ ៤០​បាត​។ បើទោះបី​កន្លងមក សម្តេច ហ៊ុន សែន បាន​ស្រែ​កកោកៗ តាម​ប្រព័ន្ធ​ផ្សព្វផ្សាយ ទាំង​អនុសាសន៍ កណ្តាប់ដៃ​ដែក​យ៉ាងណា​ក៏ដោយ ក៏​លោក សូ ចាន់ណា​រី និង​កូនចៅ​ក្រោមបង្គាប់ មិន​អនុវត្តតាម​លោកហ៊ុន សែនបន្តិចឡើយ.៕